ರಮಣೀಕಾಂತ
ಮರಳಿ ಬಾ ರಮಣೀ
ಭಗೆದಿಡಬೇಕು ಮನದಾಳದ ಇಂಗಿತವನ್ನು
ಇದಿರು ನೋಡಿ ಮಸುಕಾಗಿದೆ ದಾರಿ
ಏರುಪೇರಾಗಿದೆ ಮಿಡಿತ, ಮರಗಟ್ಟಿದೆ ಬದುಕು ..ಮ..
ಸವಿಸುಂದರ ಬಾಳದಾರಿಯಿಂದ ಅಚಾನಕ್ಕಾಗಿ ಹೊರನಡೆದೆ
ಸಕಲವ ತಿಳಿದು ಮರಳುಗಾಡ ಚೆಲುವಿಗೆ ಮರುಳಾದೆ
ಅಮೃತವ ಹಂಚಲು ಹೋಗಿ, ಹಾಲಹಲದ ಪಾಲದೆ ..ಮ..
ಮರಳಿ ಬಾ ರಮಣೀ
ಕಾಳಸಂತೆಯಲಿ ಬಿಕರಿಯಾಗುವ ಮುನ್ನ
ಸಿರಿದೇವಿ ನಿನ್ನ ಕಾಂತಿ ಕಮರುವ ಮುನ್ನ
ಕಣ್ತೆರೆದು ನೋಡು ತೀರ ಕರಗುವ ಮುನ್ನ
ಕಾಂತನಿಲ್ಲಿ ಕಾದಿಹನು ರಮಣೀ
No comments:
Post a Comment